سام سنگ کی جنوبی کوریا آنے والے افراد کیلئے عمدہ سکیم، ’نوٹ 5‘ مفت فراہم کرنے کا اعلان کر دیا

سام سنگ کی جنوبی کوریا آنے والے افراد کیلئے عمدہ سکیم، ’نوٹ 5‘ مفت فراہم کرنے کا اعلان کر دیا

سیول (مانیٹرنگ ڈیسک)جنوبی کوریا میں بڑی ٹیکنالوجی کمپنی سام سنگ نے سمارٹ فونز کی دنیا میں خوب نام پیدا کیا ہے اور دنیا بھر میں اس کے سمارٹ فونز کو استعمال کرنے والے صارفین کی تعداد کروڑوں میں ہے۔ سام سنگ نے اب جنوبی کوریا آنے والے غیر ملکیوں کیلئے ایک ایسی سکیم کا اعلان کیا ہے جسے سن کر لوگ انتہائی خوش ہیں۔ 
تفصیلات کے مطابق کوریا کی سیاحتی آرگنائزیشن نے سام سنگ اور اس کے ٹیلی کام کے ساتھ ایک معاہدہ کیا ہے جس کے تحت جنوبی کوریا آنے والے سیاحوں کو 5 دنوں کیلئے گلیکسی سیریز کا سمارٹ فون ”Note 5“ بالکل مفت دیا جائے گا اور یہی نہیں بلکہ اس کے ساتھ ہی لاتعداد مفت کالز، ایس ایم ایس اور ایک جی بی انٹرنیٹ ڈیٹا بھی مہیا کیا جائے گا جس سے ناصرف سیاح رومنگ چارجز سے بچ جائیں گے بلکہ انہیں مفت میں ہی سام سنگ کا مہنگا ترین سمارٹ فون بھی استعمال کرنے کیلئے میسر ہو جائے گا۔ 
غیر ملکی خبر رساں ادارے کے مطابق اس سکیم کے تحت ہر ہفتے کوریا آنے والے 250 افراد کو سمارٹ فون مہیا کئے جائیں ۔ گے۔ اس سکیم کا مقصد لوگوں کو گلیکسی سیریز کا سمارٹ فون استعمال کرانا ہے کیونکہ سام سنگ کا خیال ہے کہ کوئی بھی فرد 120 گھنٹے اس "Note5" استعمال کرنے کے بعد اس سے ”پیار“ کر بیٹھے گا اور واپس اپنے ملک میں جا کر اسے ضرور خریدے گا۔ اس کے علاوہ یہ کسی بھی فرد کیلئے ایک انوکھا تجربہ ہو گا کہ وہ کسی غیر ملک میں جائے اور اسے کوئی پیسہ خرچ کئے بغیر ہی نہ صرف مہنگا سمارٹ فون مل جائے بلکہ فون کالز، ایس ایم ایس اور انٹرنیٹ بھی بغیر پیسوں کے میسر آ جائے۔